Gedicht van de dorpsdichter
25-04-2025
As een panne greuntesoep
De gemeenteraod is as een grote panne greuntesoep
Verschill’nde partij’n brengt verschill’nde smaak’n
Verschill’nde mens’n die ut verschil wult maak’n
An de kok de taak um de soep op temp’ratuur te holl’n
As ut an de kook kump, löp ut aover de rand
As ut vuur te heite wodt, is de soep annebrand
De gemeente Lochem is as een grote panne greuntesoep
Verschill’nde kern’n, de één wat pittiger dan ’n ander
Stuk veur stuk bunt ut smaakmakers met pepper, zolt of koriander
An de kok de taak um de soep op smaak te holl’n
Deur te wikk’n, en te weag’n, deur te luustr’n of te zwiegen
Deur dur veur te zorg’n dat iederene een bord soep kan kriegen
En zo blif de kok elf jaor reuren
Vierentwintig uur per dag, dat was zien taak
En dankzij al disse andach blif de soep op smaak
Maar de kok geet noe wat anders doon
Gien panne met greuntesoep om in te reur’n, maar eff’n rust
Wetende dat bienao iederene in Lochem zien greuntesoep wel lust
26 maart 2025,
Coby Wiltink-Roeterdink